Another Nordic language:
Maniitsup pigisaani Atammimmi inoqqortussutsimut naleqqiullugu pinerlunnerit ima amerlatigaat politiit napparsimmaveqafillu immikkut iliuuseqartoqarnissaanik kaammattuuteqarlutik.
Maniitsup kommuneanimi tigummiagallagassanngortinneqartut tamarmik affangajaat Atammimmeersuusut Maniitsumi politiit pisortaat Jens B. Frederiksen oqarpoq.
- Atammimmi innuttaasut kommunemi innuttaasut 6 pct.eraat, taamaattoq nakuusernerit nalunaarutigineqartut 28 pct.-ii Atammimmi piliaasarsimapput aamma kinguaassiutitigut atornerluinerit 15 pct-ii Atammimmi innuttaasunit pinerluutigineqartarput kiisalu pinerluuteqarsimallutik tigummigallagassanngortinneqartut affangajaat, tassa 44 pct-it Atammimmi innuttaasuupput, Jens B. Frederiksen oqarpoq.
Tamakku tunngavigalugit Maniitsumi politiit isuamqarput immikkut iliuuseqarluni pitsaaliuisoqartariaqartoq.
- Illoqqortoormiunut tunngatillugu Illoqqortoormiut komitevisa iliuuserisimasaat iluatsittumik kinguneqartoq aamma Atammimmiunut tunngatillugu suliarilertariaqarpoq, Jens B. Frederiksen oqarpoq.
Aamma oqarpoq Maniitsup Kommuneanut siornali saaffiginnissimagaluarnertik maannamut kinguneqanngitsoq.
Maniitsup Kommuneani inunnik isumaginninnermut pisortaq oqaaseqartissinnaasimanngilarput.